Ispaniyaning El Diario Montanes nashri tarqatgan xabarga ko‘ra, “Barselona” klubi “Rasing Santander” jamoasi himoyachisi Xorxe Salinasni o‘z safiga qo‘shib olish uchun asosiy da’vogarga aylangan.

19 yoshli chap qanot himoyachisi ortda qolgan 2025/26 yilgi mavsumni Segundada juda yuqori darajada o‘tkazdi. U maydonga tushgan 33 ta uchrashuvda o‘z hisobiga 7 ta golli uzatmani yozdirib qo‘yib, “Rasing”ning chempionlikni qo‘lga kiritishi va La Ligaga yo‘llanma olishiga katta hissa qo‘shdi.

Yosh futbolchining manfaatlarini taniqli superagent Jorje Mendesh himoya qiladi. Uning Kataloniya klubi rahbariyati bilan yaqin aloqalari ushbu transferning “Kamp Nou”da muvaffaqiyatli yakunlanishini tezlashtirishi mumkin.

Klub rahbariyati Alexandro Baldening so‘nggi paytlardagi beqaror o‘yinlari tufayli ushbu chiziqni kuchaytirishni maqsad qilgan. Salinasning transferi “Barselona”ning chap qanot himoyasidagi raqobatni kuchaytirish bilan birga, tarkib chuqurligini ta’minlashga ham xizmat qiladi.