Лондоннинг «Тоттенхэм» бош мураббийи Жозе Моуриньо Англия Лига Кубоги ярим финал доирасида «Брентфорд» клуби устидан қўлга киритилган ғалаба ҳақидаги фикрлари билан ўртоқлашди.

«Ушбу ғалаба бизни финалга олиб чиқди ва бундан жуда хурсандман. Бизда кучли ўйинларни ва "Лондон дербиси"ни ўтказдик, лекин айнан мана шу учрашув бизни финал сари етаклади.

Йўлланма қўлимизда, лекин финал ўйинига яна уч ой вақт бор, шу сабабли биз бор эътиборимизни олдинда турган ўйинларга қаратамиз. Олдимизда Англия Кубоги, Премьер-лига, Европа Лига ўйинлари турибди, шу сабабли, Лига Кубоги финалини ҳозирча унутамиз. Бироқ, апрель ойида финалда ғолиб чиқиш ҳақида ўйлашимиз керак.

Ўйин бизнинг назоратимиз остида ўтди. Йўқ, биз зўр ўйин намойиш этмадик, баъзида нотўғри қарорлар қабул қилди, баъзида ортиқча тўп узатишларни амалга оширди, қаердадир камроқ назорат қилдик, лекин барибир бизнинг назоратимиз остида бўлди. Биз мавсум охирида катта эҳтимол билан Премьер-Лигага йўлланма оладиган жамоага қарши яхши ўйнадик», - деди Жозе.