Italiya chempionatining 16-turi doirasida "Jenoa" safarda "Sassuolo" klubi mehmoni bo‘lmoqda. Birinchi bo‘limdan so‘ng hisob ochilmadi.
Ikkinchi bo‘lim boshida esa mezbonlar futbolchisi Jeremi Boga "Jenoa" himoyachisini aldab o‘tib, jarima maydoniga kirdi va aniq zarba bilan hisobni ochdi.
Bahsning 64-daqiqasida esa genuyaliklar hisobni tenglashtirishdi. O‘ng qanotdan Gilyone yetkazgan uzatmani Eldor Shomurodov bosh bilan raqib darvozasiga joylab qo‘ydi.
Bu Shomurodovning A seriya doirasidagi ikkinchi goli bo‘ldi.