«Bunyodkor»ning yangi mavsumga tayyorgarligi davom etadi.

Bugungi mashg‘ulotlarda ham 40 nafarga yaqin futbolchi ishtirok etdi. Rasul Yo‘ldoshev yengil shamollash sababli mashg‘ulotda qatnashmagan bo‘lsa, Suhrob Izzatov jarohati tufayli yakka tartibda shug‘ullandi. Murabbiylar shtabi futbolchilarni ikki guruhga ajratdi. Ikki guruhga ajratilgan o‘yinchilar avvaliga jismoniy tayyorgarlik bo‘yicha murabbiy Irina Dergach boshchiligida shug‘ullangan bo‘lsa, so‘ng «trenajer zali»da yuklamalar olishdi. Keyin beshta tarkib darvozabonlarsiz, to‘pga ikki marta tegish qoidasi asosida futzal o‘ynab, quvnoq kayfiyatda mashg‘ulotlarni yakunlashdi.

O‘tgan mavsumni O‘sh shahrining «Alay» jamoasida o‘tkazgan qirg‘izistonlik yarim himoyachi Odiljon Abdurahmonov bugundan yig‘inga qo‘shildi. Ma’lum muddat ko‘rikda bo‘ladigan Abdurahmonovning harakatlari murabbiylar shtabiga ma’qul kelsa shunga qarab qaror qabul qilinadi.

Mashg‘ulotlarda qatnashgan futbolchilar - Sarvar Karimov, Umidjon Hamroyev, Ravshan Yagudin, Akobir Qayumov, Lutfulla To‘rayev, Shahboz Erkinov, Anvar G‘ofurov, Xurshid G‘iyosov, Nurillo To‘xtasinov, Abdulla Abdullayev, Mirjahon Mirahmadov, Farrux Ikromov, Ibrohim Ibragimov, Suhrob Izzatov, Sunnatilla Abdullajonov, Abdulaziz Abdusalomov, Valeriy Akopov, Muhammadodil Qahramonov, Boburbek Farhodov, Xurshid Ubaydullayev, Muzaffar Olimjonov, Saidmahmudxon G‘ulomov, Javohir Ro‘ziyev, G‘ayrat Azizxo‘jayev, Odiljon Abdurahmonov (Qirg‘iziston), Muhammadali G‘iyosov.