Germaniya chempionatining 15-turiga kecha start berildi. Ilk o‘yinda «Bavariya» Myonxengladbaxda «Borussiya» klubi mehmoni bo‘ldi.

«Borussiya Park» stadionida bo‘lib o‘tgan o‘yin gollarga boy bo‘ldi. Myunxenliklar birinchi bo‘lim o‘rtalarida Robert Levandovski va Leon Goretska gollari evaziga 2ta to‘p farqi bilan oldinga o‘tib olishdi. Ammo mezbonlar tanaffusga qadar Hofmanning dubli evaziga tanaffusga qadar hisobni tenglashtirishdi.

Gladbaxliklar ikkinchi bo‘limda Florian Noyxausning goli tufayli oldinga o‘tib olishdi. Ushbu gol "Borussiya M"ning g‘alabasi uchun yetarli bo‘ldi. Shu tariqa, mezbonlar 3:2 hisobidagi g‘alabani tantana qilishdi.

Natijada Xans-Diter Flik boshchiligidagi jamoaning 20ta o‘yindan iborat mag‘lubiyatsiz seriyasiga nuqta qo‘yildi.

Ushbu g‘alabadan keyin «Borussiya» ochkolarini 24 taga yetkazib olib, 7-pog‘onadan joy oldi. «Bavariya» (33) esa mag‘lubiyatga qaramay birinchi o‘rinda bormoqda.

Bundesliga, 15-tur
8 yanvar, juma
«Borussiya M» — «Bavariya» 3:2
Gollar: 0:1 – 20, penalti Levandovski, 0:2 – 26 Goretska, 1:2 – 35 Hofmann, 2:2 – 45 Hofmann, 3:2 – 49 Noyxaus.
«Borussiya M»: Zommer, Layner, Ginter, Elvedi, Bensebayni (Yanchke, 89), Zakariya (Herrmann, 74), Hofmann (Vendt, 89), Kramer, Noyhaus, Shtindl (Volf, 82), Embolo.
«Bavariya»: Noyer, Pavar, Alaba, Zyule, Devis, Duglas Kosta (Koman, 68), Goretska, Kimmix, Myuller, Levandovski, Sane.
Ogohlantirishlar: Ginter (62), Zyule (63).