Italiyaning "Atalanta" klubi bosh murabbiyi Jan Pyero Gasperini jamoa tarkibidan Alexandro Gomesni chetlatdi. Argentinalik futbolchisiz ham jamoa g‘alabali yurishini davom ettirmoqda. Kecha Bergamoliklar «Benevento»ni 4:1 hisobida mag‘lubiyatga uchratdi. O‘yindan keyin Gasperini o‘z fikrlari bilan o‘rtoqlashdi.

«Jamoa u darajada yaxshi o‘yin namoyish etmadi, Gomes esa o‘zgarishlarga ko‘nika olmadi. U yarim himoyada yomon o‘yin namoyish etdi, Froyler esa ko‘proq yordam bermoqda.

O‘tgan mavsumda ham o‘zgarishlarni amalga oshirgandik, ammo u o‘shanda yaxshi tushungan edi, biroq hozir negadir tushungisi kelmayapti», – dedi murabbiy.

Taxminlarga qaraganda, Gomes shu oyning o‘zida «Atalanta»ni tark etadi.