Италиянинг "Аталанта" клуби бош мураббийи Жан Пьеро Гасперини жамоа таркибидан Алехандро Гомесни четлатди. Аргентиналик футболчисиз ҳам жамоа ғалабали юришини давом эттирмоқда. Кеча Бергамоликлар «Беневенто»ни 4:1 ҳисобида мағлубиятга учратди. Ўйиндан кейин Гасперини ўз фикрлари билан ўртоқлашди.

«Жамоа у даражада яхши ўйин намойиш этмади, Гомес эса ўзгаришларга кўника олмади. У ярим ҳимояда ёмон ўйин намойиш этди, Фройлер эса кўпроқ ёрдам бермоқда.

Ўтган мавсумда ҳам ўзгаришларни амалга оширгандик, аммо у ўшанда яхши тушунган эди, бироқ ҳозир негадир тушунгиси келмаяпти», – деди мураббий.

Тахминларга қараганда, Гомес шу ойнинг ўзида «Аталанта»ни тарк этади.