Rimning «Roma» klubi bosh murabbiyi Paulu Fonseka A Seriyaning 17-tur doirasida «Inter» (2:2) klubiga qarshi bo‘lib o‘tgan o‘yin haqidagi fikrlari bilan o‘rtoqlashdi.

«Bu yerda biror narsaga izoh berish qiyin. Birinchi bo‘limni yaxshi o‘tkazdik. «Inter» darvozasiga ikkinchi golni kiritganimizdan keyin yana o‘zimizga keldik.

Gap jismoniy tayyorgarlikda emas, chunki biz o‘yinni qanday tepmda boshlagan bo‘lsak, shunday yakunladik.

«Inter» ikkinchi bo‘limda yarim himoyasida taktik o‘zgarish qildi va shundan so‘ng biz yetarlicha intensiv va tajovuzkor o‘yin namoyish eta olmadik. «Inter»dek jamoaga qarshi pressingsiz o‘ynash qiyin.

Biz 90 daqiqani bir xil tajovuzkorlik bilan kimligimizni unutmagan holda o‘tkazishga qodir ekanligimizni anglashimiz kerak. Bunday xatolarga yyo‘l qo‘yish va bunday raqiblarga qarshi pauza qilish mumkin emas», – dedi Fonseka DAZN.