“Sassuolo” qiziq jamoa. “Atalanta”si bor chempionatga yana bir unga o‘xshash klub ortiqchalik qiladigandek, go‘yo, ammo hozircha aynan “Sassuolo” buning aksini isbotlab kelmoqda.

Yaxshi hujum apparatiga ega, biroq himoyasi muvozanatni buzib qo‘yishi mumkin bo‘lgan klub. Hamed Traore, Jeremi Boga, Franchesko Kaputo va Domeniko Berardi – jismonan kuchli, individual yaxshi va qaror qabul qilishda yetarli darajada kreativ futbolchilar. “Yuventus”ga qarshi o‘tgan mavsumdagi o‘yinlar – 2:2 va 3:3 hisoblarida yakunlangan. Bugun 62 yoshga to‘lgan Maurisio Sarri yenga olmagan “Sassuolo”ni, xullas.

Buning sababi menimcha murabbiy oxiriga yetkaza olmagan bo‘lsa ham elementlari sezila boshlagan “sarribol” Dzerbi jamoasi uchun qulay o‘yin uslubi. To‘pga egalik qilishni raqibga topshirishdan qo‘rqmaydigan “Sassuolo” ortda qoldirilgan bo‘sh zonalar uchun jazolashni yaxshi uddalaydi. Pirlo ham hali o‘yinini shakllantirimoqda. Barqarorlik yo‘q. Avvalroq buni eslab o‘tgandik.

Bir so‘z bilan aytganda, bugun turinliklarga oson bo‘lmaydi. Biroq, qatorasiga 10-chempionlik uchun kurashayotgan klub raqibdan kelib chiqolmaydi, nazdimda. “Milan”ni yengib hammasi joyida ekanini ko‘rsatgan “Yuventus” bugun endi “Sassuolo”ni mag‘lub etishi kerak.  

"Yuventus"-"Sassuolo"
00:45/Futbol TV

Orif Tolipov.