Angliyaning «Fulxem» klubi bosh murabbiyi Skott Parker chorshanba kuni jamoasi oldinroq qoldirilgan "Tottenxem"ga qarshi APL doirasida o‘yinini o‘tkazish kerakligi haqidagi xabarga munosabat bildirdi.
Eslatib o‘tamiz, «shporlar» chorshanba kuni APL doirasida «Aston Villa» jamoasi bilan bahs olib borishi kerak edi, biroq, birmingemliklar safida koronavirus ko‘payib ketganligi sababli, APL tomonidan Joze Mourinyo jamoasining raqibi o‘zgartirildi.
«Dushanba kuni soat 09:30da «Tottenxem» jamoasiga qarshi o‘ynashimiz kerakligini aytishdi. Odatda men taqvim bo‘yicha shikoyat qiladigan oxirgi odamman, biroq, qachonki Premyer-liga o‘yinlardan bunday kech belgilashi – bahsli vaziyat», - dedi Parker matbuot anjumanida.
«Tottenxem» - «Fulxem» jamoalari o‘rtasidagi bahs 13 yanvar kuni Toshkent vaqti bilan soat 00:15 da boshlanadi.
