Англиянинг «Фулхэм» клуби бош мураббийи Скотт Паркер чоршанба куни жамоаси олдинроқ қолдирилган "Тоттенхэм"га қарши АПЛ доирасида ўйинини ўтказиш кераклиги ҳақидаги хабарга муносабат билдирди.
Эслатиб ўтамиз, «шпорлар» чоршанба куни АПЛ доирасида «Астон Вилла» жамоаси билан баҳс олиб бориши керак эди, бироқ, бирмингемликлар сафида коронавирус кўпайиб кетганлиги сабабли, АПЛ томонидан Жозе Моуриньо жамоасининг рақиби ўзгартирилди.
«Душанба куни соат 09:30да «Тоттенхэм» жамоасига қарши ўйнашимиз кераклигини айтишди. Одатда мен тақвим бўйича шикоят қиладиган охирги одамман, бироқ, қачонки Премьер-лига ўйинлардан бундай кеч белгилаши – баҳсли вазият», - деди Паркер матбуот анжуманида.
«Тоттенхэм» - «Фулхэм» жамоалари ўртасидаги баҳс 13 январь куни Тошкент вақти билан соат 00:15 да бошланади.
