Angliyaning "Liverpul" klubi sobiq bosh murabbiyi, ayni paytda Xitoyning «Dalyan Pro» jamoasini boshqarayotgan Rafael Benites mersisaydliklarning ertaga APL doirasida «Manchester Yunayted»ga qarshi bo‘ladigan o‘yindan oldingi fikrlari bilan o‘rtoqlashdi.

«Bunday o‘yinlar juda qiyin kechadi. «Liverpul» muvaffaqiyatga erishadi degan tuyg‘u bor, lekin, to‘g‘risini aytganda, «MYU» so‘nggi paytlarda juda yaxshi o‘yin namoyish etmoqda.

Imkoniyatlarni 50%-50% hisoblayman. Yoki agar yuragimga quloq soladigan bo‘lsam 60% - 40%.

Muammo shundaki, «MYU» hujumda yuqori tempda o‘yin namoyish etmoqda va ularning futbolchilariga bemalol o‘ynashlariga imkon bermaslik kerak.

Brunu Fernandesh «MYU»ning muhim futbolchisiga aylanib oldi, u o‘zining o‘yini, gollari va golli uzatmalari bilan barcha narsani o‘zgartirib yubordi. U ajralib turibdi. U imkon bo‘ldi deguncha sherigiga pas bermoqchi bo‘lyapti. So‘nggi o‘yinlarda u juda katta ishtiyoq bilan o‘ynadi», – dedi Benites The Times bilan suhbatda.