«Atlanta» bosh murabbiyi Jan Pyero Gasperini jamoa hujumchisi Aleksey Miranchukning o‘z formasini tiklab borayotganidan xursand.

«Miranchuk jamoamizga kelib qo‘shilgach, juda ko‘p bahslarni o‘tkazib yubordi. Dastlabki haftalardanoq jarohatlar girdobiga tushib qolgani unga to‘sqinlik qilgan edi. Keyinchalik virusga chalinganidan so‘ng uning holati bizni rosmana xavotirga solib qo‘ydi.

Hozir esa uning asosiy maqsadi tinimsiz gollar urish va stabillikka o‘zgarib boryapti. Men uni Ilichichga o‘rinbosar sifatida ko‘ryapman. Biroq u o‘zini maydonda tez-tez ko‘rishni istasa, raqobatga bugundanoq qo‘shilishi kerak», - deydi Gasperini.

Eslatib o‘tamiz, Miranchuk bergamoliklar safiga kuzda «Lokomotiv»dan 14,5 millionga ko‘chib o‘tgandi.