«Атланта» бош мураббийи Жан Пьеро Гасперини жамоа ҳужумчиси Алексей Миранчукнинг ўз формасини тиклаб бораётганидан хурсанд.

«Миранчук жамоамизга келиб қўшилгач, жуда кўп баҳсларни ўтказиб юборди. Дастлабки ҳафталарданоқ жароҳатлар гирдобига тушиб қолгани унга тўсқинлик қилган эди. Кейинчалик вирусга чалинганидан сўнг унинг ҳолати бизни росмана хавотирга солиб қўйди.

Ҳозир эса унинг асосий мақсади тинимсиз голлар уриш ва стабилликка ўзгариб боряпти. Мен уни Иличичга ўринбосар сифатида кўряпман. Бироқ у ўзини майдонда тез-тез кўришни истаса, рақобатга бугунданоқ қўшилиши керак», - дейди Гасперини.

Эслатиб ўтамиз, Миранчук бергамоликлар сафига кузда «Локомотив»дан 14,5 миллионга кўчиб ўтганди.