Italiya A Ceriyasi peshqadami «Milan» klubining ikki o‘yinchisida koronavirus aniqlangani ma’lum bo‘ldi.

Klub matbuot xizmatining xabar berishicha, navbatdagi o‘tkazilgan test natijalariga ko‘ra Teo Ernandes hamda Xakan Chalxanoglularning topshirgan testi musbat natija bergan.

Hozircha ularda kasallikning jiddiy alomatlari sezilmayapti. Biroq endi har ikkala futbolchi ham bir necha kun davomida shaxsiy izolyasiya jarayonida bo‘ladi.

Eslatib o‘tamiz, «rossonerilar» A Seriya turnir jadavalida 17 uchrashuvdan so‘ng 40 ochko to‘plagan holda peshqadamlik qilishmoqda.