Италия А Cерияси пешқадами «Милан» клубининг икки ўйинчисида коронавирус аниқлангани маълум бўлди.
Клуб матбуот хизматининг хабар беришича, навбатдаги ўтказилган тест натижаларига кўра Тео Эрнандес ҳамда Хакан Чалханоглуларнинг топширган тести мусбат натижа берган.
Ҳозирча уларда касалликнинг жиддий аломатлари сезилмаяпти. Бироқ энди ҳар иккала футболчи ҳам бир неча кун давомида шахсий изоляция жараёнида бўлади.
Эслатиб ўтамиз, «россонерилар» А Серия турнир жадавалида 17 учрашувдан сўнг 40 очко тўплаган ҳолда пешқадамлик қилишмоқда.
