«Liverpul» ustozi Yurgen Klopp «Manchester Yunayted» (0:0) jamoasiga qarshi o‘tkazilgan o‘yin haqida fikr bildirdi.

«Agar biz 1:0 hisobida g‘alaba qozonganimizda, bu mutlaqo normal bo‘lardi. «Manchester Yunayted»ga bitta ham imkoniyat yaratmasdan o‘ynashning ilojisi yo‘q. Ular ayni paytda ajoyib sport formasida.

Birinchi bo‘limda ajoyib pressing uyushtirdik va to‘p bilan yaxshi muomalada bo‘ldik, lekin gol ura olmadik, bu esa futboldagi eng muhim narsa.

Ikkinchi bo‘limda ochiq futbol bo‘ldi, ular ikkita yaxshi vaziyatga ega bo‘lishdi, lekin Alisson bizni goldan saqlab qoldi.

Menga yigitlarimning ko‘rsatayotgan o‘yini yoqmoqda, bu individual harakatga ham jamoaviy o‘yinga ham taaluuqli», - dedi Klopp BBC bilan suhbatda.