«Ливерпуль» устози Юрген Клопп «Манчестер Юнайтед» (0:0) жамоасига қарши ўтказилган ўйин ҳақида фикр билдирди.

«Агар биз 1:0 ҳисобида ғалаба қозонганимизда, бу мутлақо нормал бўларди. «Манчестер Юнайтед»га битта ҳам имконият яратмасдан ўйнашнинг иложиси йўқ. Улар айни пайтда ажойиб спорт формасида.

Биринчи бўлимда ажойиб прессинг уюштирдик ва тўп билан яхши муомалада бўлдик, лекин гол ура олмадик, бу эса футболдаги энг муҳим нарса.

Иккинчи бўлимда очиқ футбол бўлди, улар иккита яхши вазиятга эга бўлишди, лекин Алиссон бизни голдан сақлаб қолди.

Менга йигитларимнинг кўрсатаётган ўйини ёқмоқда, бу индивидуал ҳаракатга ҳам жамоавий ўйинга ҳам таалууқли», - деди Клопп BBC билан суҳбатда.