«Inter» ustozi Antonio Konte 19-tur doirasida «Udineze» (0:0) jamoasiga qarshi o‘yindan qayd etilgan durangdan keyingi fikrlari bilan o‘rtoqlashdi.
Mavsumning birinchi yarmi haqida:
«Biz o‘zimizga qarashimiz kerak, «Milan»ni «Atalanta» jamoasiga yutqazganini o‘ylamasligimiz kerak. Biz yaxshisi o‘zimizni ishimizni qilganimiz ma’qul, bugun raqib darvozasi oldida aniqroq harakat qilishimiz kerak edi.
Bizda ko‘plab qiyinchiliklar bo‘ldi, lekin biz peshqadamlar orasida ketyapmiz. Biroq, oldinda hali mavsumni yarmi turibdi. Lekin, so‘nggi bir yarim yil ichida ajoyib ishlarni amalga oshirdik».
Uchrashuv yakunida hakamlar bilan tortishuv haqida:
«Qo‘shib berilgan daqiqani biroz ko‘proq qo‘shish kerak edi deb hisoblayman. Men hakamning qaroriga qarshi chiqdik. Biz rozi bo‘lmadik. Biz ko‘plab daqiqalarni boy berdik, shu sababli qo‘shib berilgan to‘rt daqiqa kam edi», – dedi Konte.
