Madridning «Real» direktorlaridan biri Emilio Butragenyo jamoa bosh murabbiyi Zinedin Zidanni kelajagi haqida fikr bildirdi. Madridliklar rahbariyati haligacha fransiyalik mutaxassisga ishonch bildirishmoqda.
«Zidan biz uchun qanchalik muhim ahamiyat kasb etishini barcha biladi. U tezroq bizning safimizga qaytishini intirzorlik bilan kutyapmiz. Bu yerda ko‘p yillardan beri futbol nimaligini juda yaxshi bilamiz. Qachonki jamoa muvaffaqiyatsizlikka uchrasa turli xil mish-mishlar va tanqidlarni eshitishimizga to‘g‘ri keladi. Biz birlashib ishlashda davom etishimiz kerak», - dedi Butragenyo.
Eslatib o‘tamiz, Zidan ayni paytda koronavirus infeksiyasi uchun topshirilgan test natijasi musbat chiqqanligi sababli, izolyasiyaga olingan.
