Мадриднинг «Реал» директорларидан бири Эмилио Бутрагеньо жамоа бош мураббийи Зинедин Зиданни келажаги ҳақида фикр билдирди. Мадридликлар раҳбарияти ҳалигача франциялик мутахассисга ишонч билдиришмоқда.
«Зидан биз учун қанчалик муҳим аҳамият касб этишини барча билади. У тезроқ бизнинг сафимизга қайтишини интирзорлик билан кутяпмиз. Бу ерда кўп йиллардан бери футбол нималигини жуда яхши биламиз. Қачонки жамоа муваффақиятсизликка учраса турли хил миш-мишлар ва танқидларни эшитишимизга тўғри келади. Биз бирлашиб ишлашда давом этишимиз керак», - деди Бутрагеньо.
Эслатиб ўтамиз, Зидан айни пайтда коронавирус инфекцияси учун топширилган тест натижаси мусбат чиққанлиги сабабли, изоляцияга олинган.
