Turinning "Yuventus" klubi o‘z safiga yangi hujumchi qo‘shib olish uchun bir qator variantlarni ko‘rib chiqayotgani haqida xabarlar tarqalgandi.

A Seriya doirasida o‘tgan “Bolonya” (2:0) jamoasiga qarshi o‘yindan keyin "Yuventus" bosh murabbiyi Andrea Pirlo yangi hujumchi sotib olish mumkinligi haqidagi xabarlarga munosabat bildirdi.

“Bizga hujumchi kerakmas. Vaziyatni o‘rganyapmiz, lekin yangi hujumchini safimiz qo‘shib olish asosiy maqsadimiz emas.

Dibala kuchayib borishga harakat qilmoqda. Uning tizzasida muammolar bor. Holatni har kuni kuzatib boryapmiz.

Jadvaldagi o‘ringa kelsak, biz faqatgina o‘z o‘yinimizga e’tibor qaratishimiz lozim. Barchasi o‘zimizga bog‘liq. “Milan” va “Inter” bosh sovrinni xohlamoqda, xuddi shu kabi “Roma” va “Napoli” ham. Demak, kurash oxirigacha davom etadi”, - dedi Pirlo.