Туриннинг "Ювентус" клуби ўз сафига янги ҳужумчи қўшиб олиш учун бир қатор вариантларни кўриб чиқаётгани ҳақида хабарлар тарқалганди.

А Серия доирасида ўтган “Болонья” (2:0) жамоасига қарши ўйиндан кейин "Ювентус" бош мураббийи Андреа Пирло янги ҳужумчи сотиб олиш мумкинлиги ҳақидаги хабарларга муносабат билдирди.

“Бизга ҳужумчи керакмас. Вазиятни ўрганяпмиз, лекин янги ҳужумчини сафимиз қўшиб олиш асосий мақсадимиз эмас.

Дибала кучайиб боришга ҳаракат қилмоқда. Унинг тиззасида муаммолар бор. Ҳолатни ҳар куни кузатиб боряпмиз.

Жадвалдаги ўринга келсак, биз фақатгина ўз ўйинимизга эътибор қаратишимиз лозим. Барчаси ўзимизга боғлиқ. “Милан” ва “Интер” бош совринни хоҳламоқда, худди шу каби “Рома” ва “Наполи” ҳам. Демак, кураш охиригача давом этади”, - деди Пирло.