Londonning "Chelsi" klubi yangi bosh murabbiyi Tomas Tuxel jamoa tarkibidan qoniqish hosil qilganini ta’kidladi.
- Kuchaytirishimiz kerak bo‘lgan pozisiyalarimiz yo‘q, lekin ayni paytda buni muhokama qilish qiyin. Men ko‘rishga ulgurgan narsalarimdan qoniqdim. Bugun tarkibga N’Golo Kante qaytdi, shu sababli qo‘l ostimda 22 nafar futbolchi va darvozabonlar bor. Jamoaning zaif tomonini ko‘rmayapman. Jamoamizning kuchli tarafiga e’tibor qarataman, jamoamizga ajoyib kuchli futbolchilar kelib qo‘shilgan, yosh va iqtidorli futbolchilar ko‘p. Bizga qarshi hech kim o‘ynashni istamaydigan jamoa tuzamiz, — dedi Tuxel Goal portali bilan suhbatda.
