«Manchester Siti» ustozi Pep Gvardiola «Sheffild» (1:0) ustidan APLning 21-turida qo‘lga kiritilgan g‘alaba haqidagi fikrlari bilan o‘rtoqlashdi.

«O‘tgan o‘yinda "Vest Xem" ustidan 5:0 hisobda g‘alaba qozonganimizdan keyin, bu uchrashuvda ham odamlar bizdan xuddi shunday hisobdagi g‘alabani kutishgandi. Ammo bu haqiqiy dunyo, ertak emas.

Bugungi kunda «Sheffild»ni turnir jadvalining quyi qismida ko‘ramiz va APL naqadar kuchli chempionat ekanligini tushunasiz. Har bir mavsumda ushbu raqibga qarshi doim muammolarga duch kelamiz.

Yanvar oyida ham dekabr kabi barqaror o‘yin namoyish etayotganimiz - bu fantastika. Biz hali ochko yo‘qotamiz, lekin gap bu muammoni qanday hal qilishimizda. Har bir o‘yin qiyin, umid qilamanki, muvaffaqiyatsizlikka to‘g‘ri munosabatda bo‘lamiz», – dedi Gvardiola.