Kecha oqshom Libertadores kubogining final uchrashuvi bo‘lib o‘tdi. Unda Braziliyaning ikki klubi — «Palmeyras» va «Santos» to‘qnash kelishdi.

Rio-de-Janeyro shahridaga "Marakana" stadionida bo‘lib o‘tgan uchrashuv taqdiri qo‘shib berilgan daqiqalarda hal bo‘ldi. Hakam ikkinchi bo‘limga 8 daqiqa qo‘shib bergan bo‘lsa, o‘yindagi yagona gol 90+9-daqiqada urildi. 85-daqiqada zaxiradan tushgan yarim himoyachi Breno Enrike «Palmeyras»ga g‘alaba keltirgan gol muallifiga aylandi.

«Palmeyras» o‘z tarixida ikkinchi marta ushbu musobaqada g‘alaba qozondi (dastlabkisi — 1999 yilda). Jamoa endi Qatarda bo‘lib o‘tadigan klublar o‘rtasidagi Jahon chempionatida ishtirok etadi.

Libertadores kubogi, final
Palmeyras Braziliya – Santos Braziliya 1:0 (0:0, 1:0)
Gol: 1:0 – 90+9 Breno.
Palmeyras – Ueverton, Luan, Vinya, Gomes, Markos Rosha, Rafael Veyga (Alan Emperor, 90), Danilo, Gabriel Menino (Breno, 85), Ze Rafael (Patrik de Paula, 78), Luis Adriano, Roni (Melo, 90).
Santos – Jon, Para (Bruninyo, 90), Lukas, Felipe Jonatan (Vellington Karioka, 90), Diyego Pituka, Soteldo, Luan Peres, Sandri (Lukas Braga, 73), Alison, Kayo Jorje (Madson, 90), Marinyo.
Ogohlantirishlar: Lukas (10), Gomes (35), Vinya (58), Diyego Pituka (70), Soteldo (90), Markos Rosha (90), Breno (90), Alison (90).