«Liverpul» bosh murabbiyi Yurgen Klopp APL doirasida «Brayton» jamoasidan uchralgan mag‘lubiyatdan keyingi fikrlarini bildirdi.

«Juda xafaman, tabassum qilishga sabab yo‘q. Bunday mag‘lubiyatni qabul qilish qiyin. Bu kecha biz haqiqatdan ham aqliy va jismoniy jihatdan yaxshi emasga o‘xshadik. To‘pni juda oson yo‘qotgan vaziyatlarimiz ko‘p bo‘ldi, ba’zan yigitlar ruhan charchagandek ko‘rindi. Bilaman, ular yanada yaxshiroq o‘ynay olishadi, lekin bu ro‘y bermadi. Biz «Brayton»ni vazifalarini osonlashtirib yubordik, lekin ularning o‘zlari ham juda yaxshi harakat qilishdi.

«Brayton» shubhasiz haqli ravishda g‘alabaga erishdi. Biz ishonarli ko‘rinmadik. Nima ro‘y berganini bilishimiz kerak.

Bu o‘yin haqida yaxshi fikr aytish mumkin emas. Biz qaytishga harakat qilib ko‘rishimiz kerak. Bu hafta biz uchun qiyin bo‘ldi, ketma-ket ikkinchi uy o‘yinimizni boy berdik, ammo vaqtni ortga qaytarib bo‘lmaydi. Biz hamma narsani tahlil qilib, astoydil ishlashimiz kerak», - dedi Klopp.