«Ливерпуль» бош мураббийи Юрген Клопп АПЛ доирасида «Брайтон» жамоасидан учралган мағлубиятдан кейинги фикрларини билдирди.

«Жуда хафаман, табассум қилишга сабаб йўқ. Бундай мағлубиятни қабул қилиш қийин. Бу кеча биз ҳақиқатдан ҳам ақлий ва жисмоний жиҳатдан яхши эмасга ўхшадик. Тўпни жуда осон йўқотган вазиятларимиз кўп бўлди, баъзан йигитлар руҳан чарчагандек кўринди. Биламан, улар янада яхшироқ ўйнай олишади, лекин бу рўй бермади. Биз «Брайтон»ни вазифаларини осонлаштириб юбордик, лекин уларнинг ўзлари ҳам жуда яхши ҳаракат қилишди.

«Брайтон» шубҳасиз ҳақли равишда ғалабага эришди. Биз ишонарли кўринмадик. Нима рўй берганини билишимиз керак.

Бу ўйин ҳақида яхши фикр айтиш мумкин эмас. Биз қайтишга ҳаракат қилиб кўришимиз керак. Бу ҳафта биз учун қийин бўлди, кетма-кет иккинчи уй ўйинимизни бой бердик, аммо вақтни ортга қайтариб бўлмайди. Биз ҳамма нарсани таҳлил қилиб, астойдил ишлашимиз керак», - деди Клопп.