Germaniya chempionatining 20 turi dоirasida “Gerta“ o‘z maydonida “Bavariya“ni qabul qildi. Berlindagi “Olimpiyashtadion“ o‘yingohida start olgan bahs, mehmonlarning 1:0 hisobidagi g‘alabasi bilan yakunlandi.
Uchrashuvdagi yagona gol, 21 daqiqada myunxenliklar Tomas Myullerning uzatmasidan so‘ng, hujumchi Kingsli Koman tomonidan kiritildi. Hujumchi Robert Levandovski esa birinchi bo‘limda belgilangan penaltini aniq amalga oshira olmadi. Polshalik futbolchida bunday holat 2019 yilning 27 yanvaridan beri birinchi marta kuzatildi.
20 turdan so‘ng, “Bavariya“ 48 ochko to‘plagan holda Bundesliga turnir jadvalida peshqadamlik qilmoqda. Bugungacha 17 ochko jamg‘argan “Gerta“ esa 15 o‘rinni band etgan. "Bavariya"dan keyin kuchli uchlikdan “RB Leypsig“ 38 ochko bilan hamda 35 ochkoga ega bo‘lib turgan “Volfsburg“ jamoalari joy olishgan.
GOL: K. Koman 21'
Ogohlantirishlar: B Povar 31', V Darida 41' S Xedira 90+'.
O‘zgarishlar: (Gerta) O. Aldarite (Torunariga J), M. Genduzi( V. Tarida), N. Radonich( K. Pentek), S. Xedira(S. Askasibar), M. Leki(D. Lukibakio). (Bavariya): D. Kosta(L. Sane), K.Tolisso(S. Gnabri), M. Shupo-Moting( K.Koman)
Tarkiblar: "Gerta" – Yarsteyn, Pekarik, Shtark, Torunariga, Mittelshtedt, Darida, Tuzar, Askasibar, Lukebakio, Piontek, Mateus Kunya.
"Bavariya" – Noyer, Pavar, Alaba, Zyule, Lyuka Ernandes, Kimmix, Sane, Myuller, Levandovski, Gnabri, Koman.
