10 kundan buyon Antaliyada o‘quv-mashg‘ulot yig‘inini o‘tkazayotgan “Qizilqum” futbolchilari bugun yig‘in doirasida navbatdagi nazorat uchrashuvni o‘tkazishdi.

Navoiyliklarning bu galgi raqibi Qozog‘iston premyer ligasi vakili “Kaspiy” klubi bo‘ldi.

Aktauliklarga qarshi bellashuvning ilk daqiqalaridanoq vakillarimiz hisobda oldinga chiqib olishdi. Mate Vasadzega nisbatan ishlatilgan qo‘pollikdan keyin belgilangan penaltini Georgi Kuxianidze aniq amalga oshirdi . Bo‘lim o‘rtalariga kelib qo‘shnilarimiz muvozanatni tiklashdi -1:1. Keyinchalik Elguja Grigalashvilida ikki marta gol urish uchun yaxshi imkoniyat bo‘ldi. Birinchisida raqib posboni jamoasini muqarrar goldan saqlab qolgan bo‘lsa, keyingi vaziyatda gruziyalik legionerning o‘ng burchakdan yo‘llagan kuchli zarbasi darvoza to‘sinini titratdi. Birinchi bo‘limga tomonlar shu hisobda yo‘l olishdi.

Ikkinchi bo‘lim avvalida yana vakillarimiz oldinga chiqib olishdi. Oybek Qilichevning o‘ng qanotdan uzatib bergan to‘pidan keyin raqib himoyachilari pala partishlikka yo‘l qo‘yishdi va Jasur Azimov vaziyatda ustalik bilan foydalanib, yaqin masofadan raqib darvozasini ishg‘ol etdi -2:1. Oradan o‘n daqiqa o‘tgach, “Kaspiy” sardori to‘p uchun kurashda himoyachimiz Muhsin Ubaydullayevdan chaqqonroq harakat qildi va Nesterov bilan birga bir vaziyatga chiqib borib, yana hisobni tenglashtirdi. Ikkinchi bo‘lim o‘rtalariga kelib Georgi Kuxianidze o‘zini ko‘rsatdi. U ikki daqiqa ichida ikki bor raqib darvozabonini uzoq masofadan kuchli zarbalari bilan dog‘da qoldirib, jamoamizning ishonchli g‘alabasini ta’minladi.

Nazorat uchrashuvi.  06.02.2021
“Qizilqum” (O‘zbekiston) – “Kaspiy” (Qozog‘iston) 4:2
Antaliya. “Titanik Lara” stadioni.
Gollar: G.Kuxainidze (3-pen, 66, 68), J. Azimov (50).
“Qizilqum”: Ignatiy Nesterov (Artyom Makosin), Fayzulla Qambarov (Azizbek Usmonov), Muhsin Ubaydullayev, Sherali Jo‘rayev, Salim Mustafoyev, Erkin Baydullayev, Oybek Qilichev (Jamshid Hasanov), Jasur Azimov, Georgi Kuxianidze, Elguja Grigalashvili (Behruz Sa’dilloyev), Mate Vatsadze.