«Chelsi» himoyachisi Antonio Ryudiger ijtimoiy tarmoqlardagi irqchilik namoyishlari haqida gapirdi.
"Inson hamisha inson bo‘lib qolishi kerak. Men ijtimoiy tarmoqlarda irqchilik borasidagi haqoratlarga duch keldim. Ular juda ham yoqimsiz edi. Bu muhim emas. Odatda, bunga e’tibor bermayman. Bu meni kuchliroq qiladi, chunki men kimligimni bilaman.
Biroq, bunday haqoratlardan azob chekadigan odamlar bor, bu achinarli holat. Biz boshqalarning his-tuyg‘ularini nazorat qila olmaymiz. Ular xohlagan narsani ayta oladilar. Chunki, ular bunga haqli.
Lekin ijtimoiy tarmoqlar sizni qoidalarni buzib, sizni xafa qilganlarni cheklab qo‘yish qobiliyatiga ega. Albatta, ular foydalanuvchilar hisob qaydnomalari yaratganlaridan foyda ko‘rishadi. Menimcha, ularga ijtimoiy tarmoqlardagi irqchilik haqoratlardan ko‘ra pul muhimroq. Ular bunga e’tibor bermaydilar»- deydi Ryudiger.
