OFK 15 fevralga qadar Chempionlar ligasi va OFK kubogi musobaqasining markazlashtirilgan guruh bosqichi o‘yinlari uchun mezbonlik arizalarini qabul qiladi.

Chempionlar ligasi musobaqasi mezbonligi bizga biroz noqulaylik tug‘dirishi mumkin. Stadionlarimiz projektorlari OFK talab qilgan 1800 lyuksga yetib ulgurmagan. Qolaversa, klub(lar)imiz Chempionlar ligasi guruh bosqichidagi ishtirokini boshlashi bilan biz qolgan jamoalarimiz bilan O‘zbekiston kubogi musobaqasini o‘tkazib turishni rejalashtirganmiz.

OFK kubogi guruh bosqichini esa Olmaliq yoki Qarshida qabul qilish uchun barcha imkoniyatlarimiz bor va bu bizga noqulaylik tug‘dirmaydi. Biz albatta AGMK klubining Chempionlar ligasi guruh bosqichiga yo‘l olishini, Nasaf esa OFK kubogida o‘ynashini istaymiz. Ishonamizki, 15 fevralga qadar har ehtimolga qarshi AGMK ham, "Nasaf" ham mezbonlik arizalarini berish bo‘yicha O‘FAga taklif bilan chiqishadi. Markaziy Osiyo klublarini o‘zimizda qabul qilishimiz muxlislarimiz uchun ham yaxshi sovg‘a bo‘ladi.

Diyor Imomxo‘jayev.

P.S. Bizgacha yetib kelgan xabarlarga ko‘ra Tojikiston va Qirg‘iziston mezbonlik arizalarini berib ulgurgan.