O‘zbekiston terma jamoasi 12 fevral, juma kuni BAAning Dubay shahrida Rossiyaning «Zenit» klubiga qarshi nazorat uchrashuvi o‘tkazdi.

Uchrashuvning 17-daqiqasida Andrey Mostovoy piterliklarni oldinga olib chiqdi. Ikkinchi bo‘limda O‘zbekiston terma jamoasi darvozasi yana uchta bor ishg‘ol etildi.

52-daqiqada Stanislav Krapuxin jamoasining ikkinchi golini urgan bo‘lsa, 68-daqiqada Mostovoy dublni nishonlagan holda hisobni yirik ko‘rinishga olib keldi. 80-daqiqada Danil Shamkin yakuniy hisobni o‘rnatdi — 0:4.

Nazorat uchrashuvi
12 fevral, juma
O‘zbekiston — «Zenit» (Rossiya) 0:4
Gollar: 0:1 – 17 Mostovoy, 0:2 – 52 Krapuxin, 0:3 – 68 Mostovoy, 0:4 – 80 Shamkin.
O‘zbekiston: Abduvohid Ne’matov, Hojiakbar Alijonov (Murod Xolmuhammedov, 62), Islom To‘xtaxo‘jayev, Islom Qobilov (Igor Golban, 76), Farruh Sayfiyev, Lutfulla To‘rayev (Akmal Mozgovoy, 36), Odiljon Hamrobekov (Nurillo To‘xtasinov, 71), Sanjar Qodirqulov, Vagiz Galiulin (Aziz Turg‘unboyev, 36), Oybek Bozorov (Hojimat Erkinov, 36), Temurxo‘ja Abduxoliqov (Mirjahon Mirahmadov, 62).