«PSJ» hujumchisi Neymarning otasi Neymar da Silva «Kan» bosh murabbiyi Paskal Dyupraning so‘zlariga javob qaytardi. Dyupra Fransiya kubogi bahsidan so‘ng: «Men yig‘lamayman, bu ishni Neymarga qoldiraman», degan edi.

«Ha, mening o‘g‘lim yig‘lashiga to‘g‘ri keladi, ammo siz o‘ylayotgan sabab tufayli emas. Futbolda siz kabi murabbiylar, saviyasiz hakamlar, beparvo ligalar, sotqin jurnalistlar va qo‘rqoqlar borligi uchun yig‘laydi.

Ha, yig‘lashga to‘g‘ri keladi. Ammo bizning ko‘zyoshlarimiz, o‘g‘limning ko‘zyoshlari tufayli futbol afsuni yana bir kecha davom etadi. Shundan so‘ng Neymar doimgidek tiklanadi va yana g‘alaba qozonishda davom etadi», – deya yozdi futbolchining otasi instagram orqali.