Kecha Ravshan Yagudin va Sunnatilla Abdullajonov 2021 yilgi mavsumda «Bunyodkor» libosida to‘p surishi haqida ma’lumot bergandik. Bugun yana besh nafar futbolchi faoliyatini rasman jamoa bilan bog‘ladi.
 
Tajribali hujumchi Shahboz Erkinov 2021 yilgi mavsumda ham «Bunyodkor» sharafini himoya qiladigan bo‘ldi. 2020 yilgi mavsum avvalida jamoamizga kelib qo‘shilgan futbolchi 6ta goli bilan «Bunyodkor»ning g‘alabalariga o‘z hissasini qo‘shdi.
 
Shuningdek, «Bunyodkor» akademiyasi tarbiyalanuvchilari Bilol Tupliyev, Jahongir O‘rozov, Asad Qahhorjonov, Tohir To‘xtasinov bilan ham shartnomalar imzolandi. Aytish kerak, Bilol Tupliyev o‘tgan mavsum Ivan Boshkovich murabbiylik qilgan, Toshkent shahar chempionatida ishtirok etgan jamoamiz safida to‘p surgan. Jahongir O‘rozov, Asad Qahhorjonov va Tohir To‘xtasinov «Bunyodkor» akademiyasida Mirkamol Qosimov murabbiyligidagi 2004 yilgi guruhning yetakchilari, qolaversa, o‘tgan mavsum Toshkent shahar birinchiligida qatnashgan «Bunyodkor U-18» jamoasi a’zolari hisoblangan. Ivan Boshkovich va Mirkamol Qosimov shogirdlari endi o‘rinbosarlar a’zosiga aylandi va bosh murabbiy Abduhamid Qodirov qo‘l ostida to‘p suradigan bo‘ldi. Aytmoqchimizki, «Bunyodkor» akademiyasidagi o‘ziga xos «zanjir» saqlanib qolindi.
 
Ushbu to‘rt nafar tarbiyalanuvchi hali 18 yoshni qarshilamagani sababli Reglamentga ko‘ra, ularning ota-onasi ishtiroki va guvohligida shartnoma imzolandi.
 
MA’LUMOT UCHUN
SHAHBOZ ERKINOV
Tug‘ilgan sanasi: 16.07.1986 yil
Tug‘ilgan joyi: Toshkent shahri
«Paxtakor» futbol maktabi tarbiyalanuvchisi
Ampluasi: hujumchi
 
FAOLIYATI
2003-2004 yillar «Paxtakor» (o‘rinbosarlar)
2005 yil «So‘g‘diyona»
2006 yil «Sho‘rtan»
2007 yil «Paxtakor»
2008 yil 1-davra «So‘g‘diyona»
2008-2010 yillar 1-davra «Pas» (Eron)
2010-2011 yillar «Sho‘rtan»
2012 yil «Paxtakor»
2013 yil AGMK
2014-2015 yillar «Navbahor»
2016 yil 1-davra «Mash’al»
2016-2017 yillar «Nasaf»
2018 yil «Buxoro»
2019 yil «Qo‘qon-1912»
2020 yildan «Bunyodkor»