Fransiya chempionatining 25-turi doirasida «PSJ» o‘z uyida «Nissa»ni qabul qilib, qiyin g‘alabaga erishdi.

Bahsning 22-daqiqasida Draksler mehmonlar darvozasini ishg‘ol qilgan bo‘lsa, ikkinchi bo‘lim boshida nissaliklar hisobni tenglashtirishdi.

O‘yin tugashiga 14 daqiqa qolganida Moyze Kin parijliklarga g‘alaba keltirgan gol muallifiga aylandi.

Ushbu g‘alabadan so‘ng "PSJ" o‘z ochkolarini 54taga yetkazib, qo‘shimcha ko‘rsatkichlar bo‘yicha "Lill"ni ortda qoldirgan holda peshqadamga aylandi.

Pochettino shogirdlari 16 fevral kuni "Kamp Nou"da "Barselona" klubi mehmoni bo‘lishadi.

Fransiya chempionati, 25-tur
PSJ – Nissa 2:1 (1:0, 1:1)
Gollar: 1:0 – 22 Draksler, 1:1 – 50 Roni Lopesh, 2:1 – 76 Kin.
PSJ – Navas, Kurzava (Bakker, 77), Kerer, Kimpembe, Markinyos, Guye, Paredes (Danilu Pereyra, 83), Draksler (Sarabiya, 77), Mbappe, Kin (Errera, 83), Ikardi.
Nissa – Benites, Saliba, Kamara, Pelmar, Todibo, Le-Melu, Budaui, Klod-Moris, Roni Lopesh, Guiri, Maolida.
Ogohlantirishlar: Mbappe (87), Errera (89).