Xabaringiz bor, O‘zbekiston futbol assosiasiyasining tegishli qo‘mitasi qaroriga ko‘ra, O‘zbekiston Professional futbol ligasi 5 fevral kuni «Bunyodkor» va bir qator klublarga 2021 yilgi mavsumda legioner futbolchilar hamda murabbiylarni ro‘yxatdan o‘tkazishga taqiq qo‘ygan edi.
«Musobaqalarni o‘tkazish reglamenti»ning 6.27-bandiga muvofiq, legioner futbolchi xizmatidan foydalanayotgan klub yilda bir marta xorijlik o‘yinchini ro‘yxatdan o‘tkazganlik uchun to‘lov amalga oshirishi belgilangan.
Kuni kecha «Bunyodkor» futbol klubi 2019-2020 yilgi mavsumlarda jamoa sharafini himoya qilgan legionerlar uchun amalga oshirilmagan to‘lovlarni O‘zPFLning hisob-raqamiga o‘tkazib berdi. Shunga ko‘ra, O‘zPFL «Bunyodkor»ga qo‘yilgan taqiqni olib tashladi va endi jamoa bemalol xorijlik futbolchi yoki murabbiyni 2021 yilgi mavsum uchun ro‘yxatdan o‘tkazishi mumkin.
