Ispaniya La Ligasining 24-turi doirasida «Atletiko Madrid» o‘z maydonida «Levante» bilan to‘qnash keldi. «Vanda metropolitano» o‘yingohida kechgan bahsda, madridliklar 0:2 hisobida imkoniyatni boy berishdi.
Birinchi bo‘limning ikkinchi qismi hamda ikkinchi taymning so‘nggi daqiqalarida o‘tkazib yuborilgan gollar, «Atletiko»ning mag‘lubiyatini ta’minlandi. Garchi, mezbonlar butun o‘yin mobaynida keskinlik yuzaga keltirgan holda, ko‘plab xavfli hujumlar tashkil etgan bo‘lishsada, «Levante»ning himoya qo‘rg‘oni raqib raqib tomonidan yo‘llangan zarbalarni zararsizlantira oldi.
Yakunda, hisob 0:2 va «Levante» «Atletiko»ning 7 o‘yinlik mag‘lubiyatsiz seriyasiga barham berdi. Shu tariqa, bugungi o‘yin natijasidan so‘ng, Madrid jamoasi hali hamon 55 ochko bilan turnir jadvali peshqadamligini saqlab turibdi, bugun g‘alaba qayd etgan «Levante» esa 31 ochko bilan sakkizinchi pog‘onadan joy oldi.
"Atletiko" – "Levante" 0:2 (0:1, 0:1)
«Vanda Metropolitano»
Gollar:
0:1 – 30 Morales, 0:2 – 90 De Frutos.
"Atletiko" – Oblak, Felipe, Ximenes (Lemar, 54), Ermoso, Lodi, Kondogbia (Torreyra, 61), Lyorente, Korrea (Rikard Sanches, 61), Koke (Dembele, 74), Joau Feliks, Suares.
"Levante" – Kardenas, Rober, Duarte, Tonyo (Klerk, 71), Koke (Son, 71), Rochina (De Frutos, 62), Bardi, Malsa, Vezu, Leon (Dani Gomes, 62), Morales (Vukchevich, 80).
Ogohlantirishlar:
Vezu (36), Kardenas (69), Koke (70), Lemar (70), Rober (90).
