Angliyaning «Manchester Yunayted» ustozi Ole-Gunnar Sulsher Yevropa Ligasining 1/8 final bosqichi uchun tashlangan qur’a haqidagi fikrlari bilan o‘rtoqlashdi. «MYU» ushbu bosqichda Italiyaning «Milan» klubi bilan bellashadi.
«Ushbu bahs Yevropa Chempionlar Ligasiga ham ko‘rk bag‘ishlardi. Ajoyib chaqiruv. Ushbu bellashuvni intizorlik bilan kutyapmiz.
«Milan» - ajoyib an’anaga ega jamoa, ular yaxshi tarkibga ega. Zlatan? Uning futboldagi yo‘li ajoyib taasuroot qoldirmoqda. U «MYU»daligida tizzasi bilan bog‘liq muammoga duch kelgandi, lekin keyinchalik u kuchli bo‘lib qaytgandi va AQSHga yo‘l olgandi. So‘ngra «Milan»ga qaytdi va Pioli jamoasini haqiqatdan ham kuchaytirdi.
«Rossonerlar» ko‘tarinki ruhda o‘ynashmoqda, ular A Seriya g‘olibligi uchun kurashishmoqda. Qiyin o‘yin bo‘ladi, ammo juda qiziqarli bahs bo‘lishiga shubha yo‘q», - dedi Sulsher klub matbuot xizmatiga.
