Англиянинг «Манчестер Юнайтед» устози Оле-Гуннар Сульшер Европа Лигасининг 1/8 финал босқичи учун ташланган қуръа ҳақидаги фикрлари билан ўртоқлашди. «МЮ» ушбу босқичда Италиянинг «Милан» клуби билан беллашади.

«Ушбу баҳс Европа Чемпионлар Лигасига ҳам кўрк бағишларди. Ажойиб чақирув. Ушбу беллашувни интизорлик билан кутяпмиз.

«Милан» - ажойиб анъанага эга жамоа, улар яхши таркибга эга. Златан? Унинг футболдаги йўли ажойиб таасуроот қолдирмоқда. У «МЮ»далигида тиззаси билан боғлиқ муаммога дуч келганди, лекин кейинчалик у кучли бўлиб қайтганди ва АҚШга йўл олганди. Сўнгра «Милан»га қайтди ва Пиоли жамоасини ҳақиқатдан ҳам кучайтирди.

«Россонерлар» кўтаринки руҳда ўйнашмоқда, улар А Серия ғолиблиги учун курашишмоқда. Қийин ўйин бўлади, аммо жуда қизиқарли баҳс бўлишига шубҳа йўқ», - деди Сульшер клуб матбуот хизматига.