Rossiyalik futbol mutaxassisi Rinat Bilyaletdinov «Ufa» yarim himoyachisi Oston O‘runovning «Spartak»dagi muvaffaqiyatsiz faoliyati haqida gapirdi.

"Menimcha, Oston Tedeskoga («Spartak» bosh murabbiyi — izoh «Daryo») to‘g‘ri kelmadi, O‘runov — barcha jamoada ham o‘ynab keta olmaydigan donabay mahsulot. U xuddi «Rubin»dagi Xvichaga o‘xshaydi — xalq ko‘rishi bilan uning futboliga ko‘nikib qoladi, keyin uni takrorlab ko‘r-chi. Uning harakatlarini takrorlay oladiganlar juda kam.

Kvarasxeliyaga qarshi qanday o‘ynash kerakligi ko‘pchilik bilib oldi. Uning harakatlariga boshqa ko‘z bilan qaray boshlandi.

Ostonning driblinglari ham raqiblar tomonidan tahlil qilinadi va unga ham qarshi harakatlar bor. Bundan tashqari «Spartak»da saviya butkul boshqa, «Ufa»dagidek emas.

Bir marta yorqin o‘ynash — bu bir masala. Har safar buni amalga oshirish esa boshqa narsa", — dedi Rinat Bilyaletdinov.

Eslatib o‘tamiz, O‘runov qishki transfer oynasida «Spartak»dan ijara asosida «Ufa»ga yo‘l oldi.