"Manchester Yunayted" afsonasi Pol Skoulz "Liverpul" yarimhimoyachisi Tyago Alkantaraning o‘yini haqidagi fikrlari bilan o‘rtoqlashdi
«Tyago Yurgen Klopp istagan futbolchi emas. "Liverpul" nafaqat yarimhimoya, balki hujumida ham yuqori tezlikda o‘ynamoqda. Tyago boshqa narsaga qodir. U faqat maydon markazida bo‘lishi, o‘yinni, tezlikni boshqarishi va boshqa o‘yinchilar bilan bog‘lam yuzaga keltirishi kerak. "Liverpul"ning o‘yin uslubi unga mos kelishiga shubha qilaman.
Tiago "Manchester Yunayted"da o‘zini ancha yaxshi ko‘rsatgan bo‘lardi. Alkantarani keraksiz ishlardan xalos qilish kerak. Klopp boshchiligidagi "Liverpul" o‘yinni nazorat qilishga e’tibor qaratmaydi deb o‘ylayman. Ular raqiblariga juda kuchli bosim o‘tkazishga ko‘proq harakat qilishadi» - deydi Skoulz.
Qayd etish mumkin, "Liverpul" 43 ochko bilan Angliya Premyer-ligasining 2020/2021 yilgi mavsum jadvalida oltinchi o‘rinni egallab turibdi.
