Angliya chempionatining 29-turidan o‘rin olgan bahsda «Manchester Siti» o‘z maydonida «Vulverhempton» bilan to‘qnash keldi.
"Etixad Stedium" o‘yingohida kechgan uchrashuvda maydon egalari yirik, 4:1 hisobida zafar quchishdi. Birinchi bo‘limda mehmonlar vakilining o‘zi darvozasiga kiritgan, avtogoli evaziga mezbonlar bitta to‘p farqi bilan tanaffusga yo‘l olishdi.
Ikkinchi bo‘lim o‘rtalarida esa "bo‘rilar" muvozanatni tiklashdi. Ammo, so‘nggi daqiqalarda "shaharliklar" raqib darvozasini yana 3 bor ishg‘ol etishdi. Ushbu g‘alabadan keyin erishilan 3 ochko manchesterliklarga peshqadamlikni mustahkamlab berdi.
Shu tariqa bugungacha 65 ochko to‘plagan «Manchester Siti» ikkinchi o‘rindagi ta’qibchisi «MYU» bilan farqni 15 ochkoga yetkazib qo‘ydi. «Vulverhempton» esa 34 ochko bilan o‘n ikkinchi o‘rindan joy olgan.
"Manchester "Siti" – "Vulverxempton" 4:1 (1:0, 3:1)
"Etixad Stedium".
Gollar: 1:0 – 15, avtogol Dendonker, 1:1 – 61 Koudi, 2:1 – 80 Gabriel Jezus, 3:1 – 90 Marez, 4:1 – 90 Gabriel Jezus.
"Manchester Siti" – Ederson, Uoker, Joau Kanselu, Ruben Diash, Laport, de Bryuyne, Bernardu Silva (Gyundogan, 82), Sterling, Rodri, Marez, Gabriel Jezus.
"Vulverxempton" – Ruy Patrisiu, Semedu, Kastro (Fabiu Silva, 55), Xuver, Saiss, Ruben Nevesh (Otasoui, 90), Dendonker, Traore, Moutinyu, Netu, Koudi.
Ogohlantirishlar:
Netu (71).
