Italiya A seriyasini 25 - turi doirasidagi navbatdagi uchrashuvda «Sassuola» va «Napoli» jamoalari o‘zaro bahs olib borishdi. Teng kurashlar ostida boshlangan, mazkur uchrashuvning dastlabki daqiqalaridan, har ikki jamoa raqib darvozasiga hujumlar uyushtirishdi. Uchrashuvdagi hisob esa, 34 - daqiqaga kelib ochildi. «Napoli»ning serbiyalik futbolchisi Nikola Maksimovich o‘z darvozasini ishg‘ol qilib qo‘ydi. Mehmonlarning javob goli ham unchalik ko‘p kuttirmadi. Oradan 4 daqiqa o‘tar-o‘tmas, Zelinski gol urib, oradagi muvozanatni tikladi. 1-bo‘lim oxirlariga kelib, «Sassuola» penalti tepish imkoniyatiga ega bo‘ldi va bu vaziyatni Domeniko Berardi ajoyib tarzda yakunlashga erishdi. Birinchi taymni, mezbonlar 2:1 hisobidagi g‘alaba bilan yakunladi. Ikkinchi bo‘limning 72 va 90 - daqiqalarda neapilliklar futbolchilari Di Lorenso va Insinyening gollari mehmonlarni 3:2 hisobida oldinga chiqishini ta’minlagandi, ammo 90+5 daqiqada Kaputo gol urib, uchrashuvni jangovar 3:3 hisobida tugashiga zamin yaratdi.

«Sassuola» - «Napoli» 3:3

Gollar. Maksimovich (34 a.g), Berardi (45), Kaputo (90+5), Zelinsiki (38), Lorenso (72), Insine (90).