Ispaniya kubogining yarim final bosqichi doirasida ikkinchi yarim finalning javob o‘yini bo‘lib o‘tdi.

«Levante» dastlabki o‘yinda Bilbaoda «Atletik»ka qarshi o‘yinda 1:1 hisobida durang qayd etgandi. Javob uchrashuvining asosiy vaqtida ham shunday natija qayd etildi va qo‘shimcha bo‘limlarga navbat berildi.

Bahsning 112-daqiqasida esa Berenger bilbaoliklarga g‘alaba keltiruvchi gol muallifiga aylandi.

«Barselona» va «Atletik» jamoalari o‘rtasidagi final bahsi 17 aprel kuni Sevilya shahridagi «La Kartuxa» stadionida bo‘lib o‘tadi. Eslatib o‘tamiz, ushbu jamoalar 17 yanvar kuni Ispaniya superkubogi finalida to‘qnash kelishgan va unda basklar 3:2 hisobida g‘alaba qozonishgan edi.

Bilbao jamoasi aprel oyida 2ta final o‘yinini o‘tkazadi. "Atletik" Ispaniya kubogining o‘tgan mavsumdagi finali doirasidagi uchrashuvni 4 aprel kuni «Real Sosyedad»ga qarshi o‘tkazadi.

Ispaniya kubogi, yarim final, javob o‘yini
Levante – Atletik 1:2 (1:1, 0:0, 0:0)
Gollar: 1:0 – 17 Roxer Marti, 1:1 – 30, penalti Raul Garsiya, 1:2 – 112 Berenger.
Levante – Fernandes, Miramon (Koke, 108), Vezu, Rober (Bardi, 46), Klerk, Malsa (Son, 85), Rochina (Vukchevich, 85), De Frutos, Duarte, Roxer Marti (Dani Gomes, 90), Morales (Leon, 90).
Atletik – Unai Simon, Yeray Alvares, Nunyes, Berchiche (Balensiaga, 108), De Markos (Kapa, 105), Raul Garsiya (Vilyalibre, 96), Vesga (Dani Garsiya, 97), Muniain (Morsilyo, 111), Unai Lopes (Vensedor, 105), Berenger, Uilyams.
Ogohlantirishlar: Duarte (28), Nunyes (42), Roxer Marti (55), Rochina (76), De Markos (105).
Dastlabki o‘yin: 1:1.