Испания кубогининг ярим финал босқичи доирасида иккинчи ярим финалнинг жавоб ўйини бўлиб ўтди.

«Леванте» дастлабки ўйинда Бильбаода «Атлетик»ка қарши ўйинда 1:1 ҳисобида дуранг қайд этганди. Жавоб учрашувининг асосий вақтида ҳам шундай натижа қайд этилди ва қўшимча бўлимларга навбат берилди.

Баҳснинг 112-дақиқасида эса Беренгер бильбаоликларга ғалаба келтирувчи гол муаллифига айланди.

«Барселона» ва «Атлетик» жамоалари ўртасидаги финал баҳси 17 апрель куни Севилья шаҳридаги «Ла Картуха» стадионида бўлиб ўтади. Эслатиб ўтамиз, ушбу жамоалар 17 январь куни Испания суперкубоги финалида тўқнаш келишган ва унда басклар 3:2 ҳисобида ғалаба қозонишган эди.

Бильбао жамоаси апрель ойида 2та финал ўйинини ўтказади. "Атлетик" Испания кубогининг ўтган мавсумдаги финали доирасидаги учрашувни 4 апрель куни «Реал Сосьедад»га қарши ўтказади.

Испания кубоги, ярим финал, жавоб ўйини
Леванте – Атлетик 1:2 (1:1, 0:0, 0:0)
Голлар: 1:0 – 17 Рохер Марти, 1:1 – 30, пенальти Рауль Гарсия, 1:2 – 112 Беренгер.
Леванте – Фернандес, Мирамон (Коке, 108), Везу, Робер (Барди, 46), Клерк, Мальса (Сон, 85), Рочина (Вукчевич, 85), Де Фрутос, Дуарте, Рохер Марти (Дани Гомес, 90), Моралес (Леон, 90).
Атлетик – Унаи Симон, Йерай Альварес, Нуньес, Берчиче (Баленсиага, 108), Де Маркос (Капа, 105), Рауль Гарсия (Вильялибре, 96), Весга (Дани Гарсия, 97), Муниаин (Морсильо, 111), Унаи Лопес (Венседор, 105), Беренгер, Уильямс.
Огоҳлантиришлар: Дуарте (28), Нуньес (42), Рохер Марти (55), Рочина (76), Де Маркос (105).
Дастлабки ўйин: 1:1.