Kecha Dzyudo bo‘yicha Toshkent “Katta dubulg‘a” musobaqasining birinchi kun bellashuvlari bo‘lib o‘tdi. Kutilganidek, unda yaponiyalik dzyudochilar umumjamoa hisobida peshqadamlikni o‘z qo‘llariga olishdi.

Kun chiqar yurt vakillaridan Ryuju Nagayama (-60 kg), Uta Abe (-52 kg) hamda Momo Tamaoki (-57 kg) o‘z vazn toifalarida tengsiz ekanliklarini yana bir bor isbotlashgan bo‘lsa, Nasumi Sunoda (-48 kg) finalda mo‘g‘ilistonlik Uranseseg Munxbatga imkoniyatni boy berib qo‘ydi. 1 ta oltin va 2 ta bronza medallarini jamg‘argan Mo‘g‘uliston jamoasi ikkinchi o‘rinni egallab turgan bo‘lsa, Koreya jamoasi kuchli uchlikni yakunlab turibdi. O‘zbekiston terma jamoasi esa 2 ta bronza medali evaziga yettinchi pog‘onada turibdi. O‘z navbatida o‘zbek dzyudosi muxlislarini ushbu g‘alabalar bilan tabriklab, ertaga kurashadigan hamyurtlarimizga ham omad tilab qolamiz.