Bugundan O‘zbekistonda ham, yangi futbol mavsumi boshlandi. O‘zbekiston superkubogi doirasidagi uchrashuvda Toshkentning «Paxtakor» va Qarshining «Nasaf» jamoalari o‘zaro bahs olib borishdi va uchrashuv «Paxtakor»ning 1:0 hisobidagi g‘alabasi bilan yakunlandi. Samarqanddagi «Dinamo» stadionida kechgan mazkur uchrashuvning dastlabki daqiqalari teng kurashlar ostida kechdi. Birinchi taymda har ikki darvoza tomon ketma - ket hujumlar uyushtirildi. Ammo uchrashuvdagi hisob birinchi taymda ochilmadi. Ikkinchi taymni biroz hujumkor tarzda boshlagan, toshkentliklar 50-daqiqaga kelib hisobni ochishga erishdi. Chap qanot bo‘ylab uyushtilgan hujum, «Paxtakor» futbolchisi Farrux Sayfiyev tomonidan rivojlantirildi va himoyachi havolatib uzatib bergan to‘pni, Dragan Cheran Abduvohid Ne’matov qo‘riqlayotgan darvozaga kiritib qo‘ydi. Qolgan daqiqalarda «Paxtakor» ham, «Nasaf» ham hujumlar uyushtirdi, lekin darvozalarga boshqa hech qaysi jamoa yo‘l topolmadi. Uchrashuv «Paxtakor»ning minimal hisobidagi g‘alaba bilan yakunlandi va o‘z tarixidagi ilk superkubokka ega chiqdi.
O‘zbekiston superkubogi.
«Paxtakor» - «Nasaf» - 1:0 (0:0)
Gol: Dragan Cheran (50)
Ogohlantirishlar: Nurulloyev (12), Aliqulov (71)
«Paxtakor»: 35.Sanjar Quvvatov, 3.Hojiakbar Alijonov, 5.Anzur Ismoilov, 7.Sardor Rashidov, 8.Azizbek Turg‘unboyev (Hojimat Erkinov 90+3), 9.Eren Derdiyo‘q (Sharof Muhitdinov 79), 10.Dragan Cheran, 15.Egor Krimes, 21.Abror Ismoilov, 27.Sardor Sobirxo‘jayev (Sherzod Temirov 87), 34.Farruh Sayfiyev
«Nasaf»: 35.Abduvohid Ne’matov, 4.Husniddin Aliqulov, 5. G‘olib G‘aybullayev (Jo‘rabek Mannonov 60), 6.Murod Xo‘jamberdiyev (Shohmalik Komilov 78), 19.Husayn Norchayev, 20.Suhrob Nurulloyev (Shokir Yo‘ldoshev 46), 22.Akmal Mozgovoy, 34.SHerzod Nasrullayev, 77.Oybek Bozorov, 88.Marko Stanoyevich, 92.Umar Eshmurodov.
Bosh hakam: Vadim Agishev
