Osiyo futbol konfederasiyasi (OFK) markazlash tizimda o‘tkaziladigan Osiyo Chempionlar Ligasining guruh bosqich o‘yinlariga mezbonlik qiladigan mamlakatlar ro‘yxatini e’lon qildi.

Unga ko‘ra, «Paxtakor» harakat qiladigan B guruhi o‘yinlari BAAning Sharja shahrida bo‘lib o‘tadi. OKMK guruh bosqichiga yo‘llanma oladigan bo‘lsa, A guruhi vakillari bilan Saudiya Arabistonining Ar-Riyod shahrida o‘ynaydi.

Quyidagi guruh bosqichiga mezbonlik qiladigan shaharlar bilan tanishing:

G‘arb mintaqasi:

A guruhi — Ar-Riyod (Saudiya Arabiston)
B guruhi — Sharja (BAA)
C guruhi — Jidda (Saudiya Arabiston)
D guruhi — Ar-Riyod (Saudiya Arabiston)
E guruhi — Hindiston

Sharq mintaqasida F, G va J guruhlariga Tailand mezbonlik qiladi. H va I guruhlaridagi vaziyat hal noma’lum.

Eslatib o‘tamiz, «Paxtakor» B guruhida «Sharja» (BAA) va «Traktorsoziy»ga (Eron) qarshi o‘ynaydi. To‘rtinchi raqib nomi «Al-Vahda» (Saudiya Arabistoni) — «Al-Quva al-Javiya» (Iroq) pley-off o‘yinidan keyin ma’lum bo‘ladi.

Ma’lumot uchun, O‘zbekiston OCHL mezbonligi uchun ariza topshirmagan. Biroq «Nasaf» va OKMK OFK Kubogi guruh bosqichini o‘zida o‘tkazish xohishini bildirgan.