"Sevilya" va "Lester Siti" yozda erkin agentga aylanishi kutilayotgan "Marsel" futbolchisi Floryan Tovenni o‘z tarkibiga qo‘shib olishni xohlamoqda.
Manbaning xabariga ko‘ra, 28 yoshli fransuz yozda shu ikki jamoaning biriga o‘tishi mumkin.
"Marsel" esa o‘z futbolchisidan ayrilishni xohlamayapti va unga 3 milion yevro yillik maoshdan iborat 2025 yilgacha shartnoma taklif qilmoqda.
Ma’lumot o‘rnida, fransiyalik yarim himoyachi bu mavsum Liga 1 doirasida 28 o‘yin o‘tkazib, 8 ta gol urdi va 7 ta golli uzatma amalga oshirdi.
